روسای جمهوری افغانستان و پاکستان در پیشاپیش اجلاس امنیتی منطقه ای در روز پنجشنبه، به تاجیکستان رفته اند.
امامعلی رحمان اوف رییس جمهوری تاجیک روز چهارشنبه با آصف علی زرداری رییس جمهوری پاکستان ملاقات کرد و پس از آن هر دو رهبر قول دادند برای جلوگیری از گسترش افراط گرانی در منطقه، بویژه در امتداد مرزهای دو کشور با افغانستان، از نزدیک همکاری کنند.
دولت تاجیکستان گفته است از آن بیم دارد خشونت، در حالی که افغانستان برای برگزاری انتخابات ریاست جمهوری آماده می شود و کنترل های امنیتی بیشتری بر مرز خود برقرار می سازد، به تاجیکستان سرایت کند.
حملات شورشیان در افغانستان در ماه جاری، در حالی که نیروهای آمریکا و ناتو سعی دارند قرارگاه های طالبان را پاک کنند، به سطح بی سابقه ای بالا رفته است.
در کنفرانس روز پنجشنبه، دمیتری مدودیف رییس جمهوری روسیه نیز حضور خواهد داشت. انتظار می رود در آن درباره معاملات اقتصادی که مسکو امیدوار است نفوذ آنرا در تاجکستان گسترش دهد، نیز بحث شود.
روز چهارشنبه، پلیس تاجیکستان همچنین گفت یک ستیزه گر اسلامی ارشد را کشته است. او به اداره عملیات شورشیان در مرز افغانستان متهم بود.